Министр изилдөөлөрдү ылдамдатуу үчүн күч-аракеттерди координациялоонун маанилүүлүгүн белгилеп, ар бир облустан бир районду тандап, комплекстүү изилдөөлөрдү жүргүзүүнү сунуштады.
Археологдор мамлекеттик структуралардын, анын ичинде жер маселелери боюнча карталарды жана документтерди тез арада берүү колдоосунун критикалык мааниге ээ экенин белгилешти.
Археолог Кунболот Акматов 2025-жылы Талас облусунун Манас районунда 50 миң гектар жер изилденгенин, натыйжада 3 миңден ашык жаңы маданий мурас объектилери аныкталганын билдирди.
Жыйынтыгында министр ушул жылы бул багытта иштерди улантуу зарылдыгын белгилеп, жети облустан бир районду тандап алууну сунуштады.
