Чыгар алдында катышуучулар атайын даярдык курстарынан өтүштү, алардын максаты чет өлкөдөгү жумуш шарттарына адаптация жана маалымдуулугун жогорулатуу болду. Даярдык учурунда жумушка орноштуруу шарттары, жумушчулардын укуктары жана милдеттери, ошондой эле Словакиянын эмгек мыйзамдарынын өзгөчөлүктөрү жана бул өлкөдөгү болуу эрежелери тууралуу кенен түшүндүрмөлөр берилди. Легалдуу жумуш менен камсыз болуу жана эмгек миграциясына байланыштуу тобокелдиктерди минималдаштырууга өзгөчө көңүл бөлүндү.
Бул программа эл аралык кызматташтыкты өнүктүрүүгө жана Кыргызстандын жарандары үчүн эл аралык эмгек рыногунда жаңы мүмкүнчүлүктөрдү түзүүгө багытталган.
