Бүгүн, 12:10да, Чычкан капчыгайында Бишкек–Ош автожолунда эки кар көчкү түшүп кетти. Бул тууралуу маалыматты Транспорт жана байланыш министрлиги билдирди.
Министрликтен билдиришкендей, учурда Бишкек–Ош трассасы «Сосновка» жана «Арал» текшерүү пункттарында бардык транспорт каражаттары үчүн жабык.
Алдын ала маалыматтар боюнча, жолго түшкөн көчкүдүн узундугу болжол менен 100 метр жана бийиктиги 5 метрге чейин жетет.
Жолду тазалоо иштерин №23 жол эксплуатациялоо ишканасы атайын техника менен жүргүзүүдө. Тазалоо процесси уланууда.
Кошумча маалыматтар кийинчерээк берилет.
