Кыргызстандын борбору Бишкекте подрядчиктер жакында оңдолгон жолдордогу кемчиликтерди жоюуга жооптуу болушат. Бул тууралуу Бишкек мэриясынын Транспорт жана жол-транспорт инфраструктурасын өнүктүрүү департаментинин орун басары Абдыжапаркул Жанболотов Биринчи радиосуна берген интервьюсунда билдирди.
«Белгилей кетчү нерсе бар. Биз подрядчиктердин көйгөйлөрдү жаратуудагы күнөөсү тууралуу көп сүйлөшөбүз. Чындыгында, алардын күнөөсү бар. Биздин контракттарда ар кандай кемчиликтер же дефекттер подрядчиктин эсебинен оңдолушу керектиги так жазылган. Албетте, подрядчик күнөөлүү болушу мүмкүн, бирок департамент биринчи кезекте кабыл алынган жолдордун сапатына жооп берет», — деди Жанболотов.
Расмий маалыматка ылайык, муниципалитетте атайын лаборатория иштейт, ал эми ар бир долбоор лицензияланган техникалык көзөмөл тарабынан контролдонуп турат. Ал: «Асфальттын сапаты гана эмес, пландаштырылган бардык жол курулушу, анын ичинде негиз жана бордюрларды орнотуу текшерилет. Мосттордун жана башка конструкцияларды бекемдиги да көзөмөлдөнөт. Кемчиликтер чындыгында пайда болушу мүмкүн, бирок подрядчиктер аларды жоюуга милдеттүү», — деп билдирди.
Мындан тышкары, Жанболотов мыйзам боюнча жүргүзүлгөн иштер үчүн кепилдик мөөнөтү үч жылга чейин узартылганын, мурда ал бир жыл гана болгонун белгиледи. Эгер ушул убакыт ичинде кемчиликтер табылса, подрядчиктер аларды өз эсебинен оңдошу керек.
