Цифрдык өнүктүрүү жана инновациялык технологиялар министринин орун басары Замир Кожомуратов "Санарип Ордо" долбоорунун 2025-жылдын декабрында аяктаган "Өкмөттүк булут - G-Cloud" долбоорунун улантуусу экенин түшүндүрдү.
Орун басар министрдин сөзүнө караганда, долбоор 2022-жылы $57 млн бюджет менен башталган жана үч негизги компонентти камтыйт. Бул демилгени ишке ашыруу алкагында 4 миң социалдык объект жогорку ылдамдыктагы интернет менен камсыздалган жана маалыматтарды иштеп чыгуу борбору түзүлгөн. Жаңы маалыматтарды иштеп чыгуу борбору (МИБ) бөлүнгөн каражаттарга курулат, ал эми мурдагысы резервдик катары пайдаланылат.
