Бул сезондо «FINCA Банк» тарабынан бенефициарлар, атап айтканда, бизнесин башкарган же ээлик кылган жана банк менен кредиттик программалар боюнча иштеген аялдар катышат. Ошондой эле, кичи жана орто бизнесинде эки жылдан кем эмес тажрыйбасы бар ишкер аялдар да арыз бере алышат. Жети айдын ичинде катышуучулар менторлор менен кызматташып, өз компанияларын өнүктүрүүгө жардам алышат.
Программанын менторлору — тажрыйбалуу ишкерлер, алар өз билимдерин акысыз бөлүшүүгө жана катышуучуларды бардык этаптарда колдоого даяр. Менторлор жана ментилер үчүн арыздар 2026-жылдын 2-мартына чейин кабыл алынат, программга катышуу акысыз.
Программа онлайн жана офлайн тренингдер, кросс-менторинг сессиялары, бизнес таңкы аштары, ири ишканаларга экскурсиялар жана мониторинг визиттерин камтыйт. Бул иш-чаралар катышуучуларга бизнес жана финансылык башкаруу жөндөмдөрүн өнүктүрүүгө, ошондой эле пайдалуу бизнес байланыштарын орнотууга жардам берет.
Программа башталгандан бери 320дөн ашык жаңы жумуш орундары түзүлгөн. Өткөн сезондо катышуучулардын 60% жаңы рынокторго чыга алышты, 66% кирешелерин көбөйтүштү, 86% бренддин таанылышынын өсүшүн белгилешти, ал эми бардык катышуучулар жеке өсүштү белгилешти.
