Гепатит D Кыргызстанда. Пациенттердин коомчулугу өзүнчө дарылоо программасын талап кылууда

Евразиялык коомчулугу үчүн дарыланууга жеткиликтүүлүк боюнча өкүлдөрдүн тобу (ЕCАТ) Кыргызстандын саламаттыкты сактоо министрине вирусдук гепатит дельта (HDV) боюнча диагностика жана терапияны жакшыртуу боюнча сунуштар менен расмий кат жиберди. Толук маалыматты уюмдун сайтынан табууга болот.

Катта 2025-жылдын аягында өлкөдө булевиртид — гепатит дельтаны дарылоо үчүн жаңы дары каражаты сунушталгандыгы белгиленет. Бирок, HDV боюнча диагностика жана терапия азырынча гепатит B үчүн арналган клиникалык протоколдун алкагында жүргүзүлүп келет.

ECATтын мүчөлөрү гепатит дельта боюнча атайын клиникалык сунуштардын жана программалык документтердин жоктугу бул оорунун маанисин азайтып, пациенттерге жардам көрсөтүүнү пландоодо жана системалык каржылоону алууда кыйынчылыктарды жаратууда деп тынчсызданышууда.

Ошондой эле кайрылууда 2025-жылдын 1-сентябрына карата гепатит B менен ооруган 17% пациентте (3 120 адам) гепатит дельта менен коинфекция аныкталганы тууралуу Республикалык гемоконтакттык вирусдук гепатиттер жана ВИЧ боюнча контролдоо борборунун маалыматы келтирилген.

Бул жагдайга байланыштуу, ЕCАТтын өкүлдөрү Саламаттыкты сактоо министрлигинен эки негизги кадамды жасоону суранышууда:

пациенттердин коомчулугунун өкүлдөрүн катыштырып, гепатит дельта боюнча атайын каржылоосу бар улуттук программаны иштеп чыгуу жана киргизүү үчүн жумушчу топ түзүү,
HDV боюнча клиникалык сунуштарды өзүнчө нозология катары иштеп чыгып, бекитүү.

ECAT нормативдик-укуктук базаны даярдоо жана адаптациялоо гепатит дельтаны дарылоонун мындан аркы өнүгүшү үчүн өзгөчө мааниге ээ деп эсептейт: булевиртидден тышкары, учурда бир нече компания башка дарылоо ыкмалары боюнча клиникалык сыноолорду өткөрүүдө, жана алдын ала түзүлгөн механизмдер жаңы дары каражаттарын киргизүүнү тездетип, пациенттердин диагностика жана терапияга болгон жеткиликтүүлүгүн камсыз кылат.

Башкы беттеги сүрөт иллюстрациялык: gemotest.ru.

Дагы окуңуз:

Докторлор Бишкектеги семинарда B жана D гепатиттеринин жугуу жолдору жана дарылоо ыкмалары жөнүндө айтып беришти