Бул иш-чара Афганистан согушунда курман болгондордун эскерүүсүнө арналган, ошондой эле биз менен жашаган ардагерлерге болгон урматтын белгиси болуп калды.
Иш-чарага шаар башчысы Нуртилек Орозбаев, шаардык кеңештин төрагасы Чынгыз Кимсанов, ошондой эле ар кандай мекемелердин, билим берүү уюмдарынын өкүлдөрү, окуучулар жана студенттер катышты.
Жыйналгандар курман болгон жоокерлердин эскерүүсүн урматтап, алардын мекенди коргоодогу салымы эч качан унутулбай турганын белгилешти. Митинг учурунда алардын эскерүүсүнө дуба окулду, согуштан кайтып келбеген жоокерлерге орнотулган эстеликке гүлдестелер жана гүлдөр коюлду. Акырында катышуучулар курман болгондордун эскерүүсүнө бир мүнөт үнсүз турушту.
Ошондой эле, колдоо белгиси катары Кара-Кулда жашаган 13 ардагерге жергиликтүү бюджеттен 5 миң сом өлчөмүндө материалдык жардам көрсөтүлдү.
