Бишкекте катуу үй-бүлөлүк таштанды кайра иштетүүчү экинчи заводдун курулушу башталат. Бул тууралуу борбордун мэри Айбек Джунушалиев мэриянын жыйынтыктоочу жыйынында билдирди.
Айбек Джунушалиевдин айтымында, 2025-жылдын 27-декабрында ачылган мындай типтеги биринчи завод Борбордук Азияда маанилүү натыйжаларды көрсөттү, ал болгону бир нече айдын ичинде 80 миң тонна таштандыны кайра иштетти. Эске салсак, анын кубаттуулугу күнүнө 1000ден 1200 тоннага чейин, ошондой эле 30 МВт⋅ч электр энергиясын өндүрөт.
Мэр экинчи заводдун 2026-жылы ишке кириши жалпы кайра иштетүүнү күнүнө 3000 тоннага чейин жогорулатууга жардам берерин белгиледи.
Ошол эле учурда, күнүнө 100 тонна кубаттуулукка ээ сорттоо жана кайра иштетүү комплекси боюнча иш жүргүзүлүүдө.
Жаңы заводдун өндүрүш кубаттуулугу муниципалдык ишканалардын муктаждыктары үчүн, мисалы, отургучтар, таштанды контейнерлери, люктар жана тротуар плиткалары сыяктуу продукцияларды түзүүгө багытталат.
