Бул датага байланыштуу, 13-февралда Баткенде согуштун ардагерлерине арналган салтанаттуу иш-чара өттү.
Иш-чарада Баткен району жана шаарынын жетекчилери, укук коргоо органдарынын өкүлдөрү, жергиликтүү мекемелердин жетекчилери, ошондой эле Афган согушунун ардагерлери катышты.
Иш-чаранын жүрүшүндө Афган согушунун баатырларына арналган эстеликке гүл чамбарлар коюлуп, курман болгондордун эсине дуба окулду.
Праздниктин экинчи бөлүгүндө, райондун администрациясынын жыйындар залында, ардагерлерди куттуктап, аларга эскерүү белектери тапшырылды.
1979-жылы башталган Афган согушу 10 жылга созулду. Азыркы учурда Баткен районунда ушул согуштун 33 ардагер жашайт, алардын 15и бүгүнкү иш-чарага катышты.
