Кедейчиликтин чегинде жашаган адамдарга эмне кылыш керек? Депутаттарды бул кызыктырбайбы?
12-февралда Жогорку Кенештин жыйынында Кыргызстандагы альтернативдүү кызмат үчүн төлөмдү жогорулатууга байланыштуу мыйзам долбоору биринчи окууда жактырылды.
Документ «Кээ бир мыйзам актыларына (салык эмес кирешелер кодекси, укук бузуулар кодекси, «Граждандыктын жалпы аскердик милдети, аскердик жана альтернативдүү кызматтар жөнүндө» мыйзамына өзгөртүүлөрдү киргизүү жөнүндө)» деген аталышка ээ болуп, Коргоо министрлиги тарабынан сунушталган. Анда мобилизациялык резерв жана альтернативдүү кызмат үчүн тарифтердин олуттуу жогорулашы каралган.
Жогорулатуу төмөнкү категорияларга тиешелүү:
- мобилизациялык резерв үчүн төлөм 75 миң сомго чейин жогорулайт (буга чейин - 50 миң сом);
- запастагы офицерлерди даярдоо үчүн төлөм 90 миң сомду түзөт (азыр - 70 миң сом);
- үй-бүлөлүк шарттар боюнча альтернативдүү кызмат үчүн төлөм 25 миң сомго чейин жогорулайт (18 миң сомдун ордуна);
- ден соолук боюнча альтернативдүү кызмат 50 миң сомго чейин жогорулайт (былтыр - 25 миң сом);
- диний себептерден улам альтернативдүү кызмат үчүн 50 миң сом төлөш керек (25 миң сомдун ордуна);
- экинчи категорияга запастагы адамдарды кабыл алуу да 50 миң сомго жогорулайт (азыр - 25 миң сом);
- чакыруу жана аскердик милдетин аткаруучулар үчүн аскердик каттоонун эрежелерин бузгандыгы үчүн айып 10 миң сомду түзөт (1 миң сомдун ордуна).
Мыйзам долбоорунун авторлору төлөмдөрдүн жогорулашы инфляция жана өлкөнүн экономикалык өнүгүүсү менен байланыштуу экенин белгилешти.
сүрөт www
