Министрлик улуттук лабораториялык кызматты түзөт

Саламаттык сактоо министри Каныбек Досмамбетовдун өткөргөн жыйынында улуттук лабораториялык кызматты түзүү жана медициналык калдыктарды башкаруу системасын жакшыртуу боюнча негизги аспекттер талкууланды. Бул тууралуу Саламаттык сактоо министрлигинин маалымат кызматы маалымдады.

Жыйында көтөрүлгөн негизги темалар төмөнкүлөрдү камтыды:

лабораториялык кызматты башкаруунун эффективдүү структурасын түзүү;
эл аралык сапат стандарттарын киргизүү;
мониторинг жана көзөмөл үчүн санариптик технологияларды колдонуу;
лабораториялык кубаттуулуктарды оптимизациялоо;
лабораториялык изилдөөлөрдүн натыйжаларынын тактыгын жогорулатуу.

Мындан тышкары, жыйында медициналык калдыктарды башкарууну жакшыртуу аспекттери каралды, анын ичинде мамлекет тарабынан көзөмөлдү күчөтүү жана дезинфекциялоо жана жок кылуу үчүн заманбап технологияларды колдонуу. Жыйынга чакырылган адистер лабораториялык ишмердүүлүктү жана медициналык калдыктарды башкарууну структуралаштыруу жана стандартташтыруу боюнча өз сунуштарын беришти.

Министр лабораториялык кызматты өнүктүрүү жана медициналык калдыктарды эффективдүү башкаруу саламаттык сактоо тармагындагы мамлекеттик саясаттын артыкчылыктуу багыттары экенин, булардын оорулардын алдын алууга, тез диагноз коюуга жана жарандардын ден соолугун коргоого түздөн-түз таасир этээрин белгиледи.

Дагы окуңуз:

Минздрав КР улуттук лабораториялык кызматты түзүү боюнча иш алып барууда