Берилген маалыматка ылайык, жол кызматтары өздөрүнө бекитилген бардык маршруттарды толук көзөмөлдөп жатышат.
Учурда өлкөнүн ашууларында кичине кар жаап жатат. Тайгак участкаларда инерттик материалдар менен себүү жана тазалоо иштеринин улантылышы жүрүүдө. Мындан тышкары, 11-февралдан баштап Тоо-Ашуу жана Ала-Бель ашууларында Бишкек – Ош трассасында, ошондой эле Суусамыр – Талас – Тараз маршрутунда Отмок ашуусунда жүк ташуучу унаалар үчүн чектөөлөр киргизилди.
Транспорт министрлиги айдоочуларды Жол кыймылынын эрежелерин так сактоого жана кандай жагдайда болбосун каршы тилкеге чыкпоого чакырат.
