Жаман аба ырайына байланыштуу, Бишкек-Ош трассасында жайгашкан Тоо-Ашуу ашуусунда жүк ташуучу унаалар үчүн убактылуу чектөө киргизилди. Бул тууралуу Кыргыз Республикасынын Транспорт жана байланыш министрлиги маалымдады.
Ведомствонун маалыматына ылайык, кар түшүү көптөгөн аймактарды камтып, жолдорду тазалоо иштерин сутка бою жүргүзүүдө. Жол жабындарын кум-туз аралашмасы менен үзгүлтүксүз толуктоо иштери жүргүзүлүүдө.
Суусамыр-Талас-Тараз маршруту боюнча жайгашкан Отмок ашуусунда да кар түшүү байкалууда, бирок ал жакта кыймыл ачык бойдон калууда.
