Кыргыз Республикасынын Мамлекеттик салык кызматынын басма сөз кызматы чет өлкөдө иштегендер үчүн бирдиктүү салыкка өтүү боюнча арыздарды берүү мөөнөтүнүн 2026-жылдын 1-мартына чейин узартылганын билдирди.
Эскертебиз, 2026-жылдын 1-январынан тартып чет өлкөдө иш жүргүзгөн салык төлөөчүлөр 0,1% ставкасы менен бирдиктүү салык системасын колдонууга милдеттүү.
Бул система боюнча өтүү үчүн мыйзамга ылайык, 2026-жылдын 1-февралына чейин каттоо боюнча салык органдарына тиешелүү арызды берүү керек болчу.
Салык төлөөчүлөрдөн келген көптөгөн суроолорду эске алып, мындай арыздарды берүү мөөнөтү 2026-жылдын 1-мартына чейин узартылды.
Салык кызматы бардык кызыкдар тараптарга бирдиктүү салык режимине өтүү үчүн арыз берүү үчүн салык органдарына кайрылууну катуу сунуштайт.
