Мындай ооруларга жүрөк-кан тамыр оорулары, онкологиялык оорулар, ошондой эле бронх-өкчө оорулары жана диабет кирет.
Маселелердин белгилүү тобу начар тамактануу, физикалык активдүүлүктүн жетишсиздиги, тамеки тартуу жана алкоголду ашыкча колдонуу болуп саналат.
STEPS изилдөөсүнүн жыйынтыктарына ылайык, калктын 76,2% активдүү жашоо образын жүргүзбөйт, 44% тамеки тартат, ал эми 48,9% алкоголь колдонушат. Ошол эле учурда, ден соолугубуздун жарымынан көбү (50-55%) жашоо образына байланыштуу. Демек, ИНОнун алдын алуу медициналык мекемеден эмес, күнүмдүк тандоолорубуздан башталат.
Регулярдуу физикалык жүктөмдөр кан айланууну жакшыртууга, салмакты контролдоого жана кант менен холестерин деңгээлин нормалдаштырууга жардам берет, бул гипертония, инсульт, диабет жана рак оорусунун өнүгүү тобокелдигин азайтат.
Спорт менен машыгуу үчүн спорт залында болуш шарт эмес. Күнүнө 30 мүнөт помердик физикалык активдүүлүк жетиштүү — бул тез басуу, бийлөө, бакча иштерин жүргүзүү же балдар менен ойноп өткөрүү болушу мүмкүн.
Мындан тышкары, жүгүрүү, сүзүү, велосипед тебүү же спорттук оюндар сыяктуу интенсивдүү машыгуулар да жүрөк-кан тамыр системасын чыңдоого жардам берет.
Бирок максималдуу натыйжага жетишүү үчүн биргелешип иштеши керек: регулярдуу физикалык жүктөмдөр, тең салмактуу тамактануу жана зыяндуу адаттардан баш тартуу. Мындай жөнөкөй чечимдер көп жылдар бою ден соолукту сактоого жардам берет.
