“Бардык лифттер 24 сааттык көзөмөлдө. Биз шаар боюнча адамдарды эвакуациялоо жана оңдоо менен алектенебиз”, - деп бөлүшөт ал.
“Бишкекгорлифт” диспетчердик кызматы шаардагы бардык жактан келген телефон чалууну 24/7 кабыл алат. Адамдар лифтте калып калгандыгы жана бузулуулары тууралуу билдиришет. Бардык маалымат катталып, дароо чакырууга чыккан кезектеги командага өткөрүлөт.
“Биз адамдарды ыкчам эвакуациялап, лифтти кайра иштетүүгө аракет кылабыз”, - деп түшүндүрөт Азамат.
Чалуу шаардагы ар кандай жактан келип, кээде кыйынчылыктарды жаратат.
“Мисалы, "Аламедина-1" жана "Джала" жактарынан балдар калып калгандыгы тууралуу чакыруулар келип калышы мүмкүн. Мындай учурда кайсы жакка тезирээк жетүү керектигин жана кимдин чакыруусу биринчи болгонун тандоо керек”, - деп айтып берет электромеханик.
Эгер лифтте калып калсаңыз, төмөнкү сунуштарды эске алыңыз:
- Диспетчерге кайрылуу үчүн "Чакыруу" баскычын басыңыз;
- Өз алдынча чыгып кетүүгө аракет кылбаңыз, адистердин жардамын күтүңүз;
- Тынчтыкты сактаңыз, лифтте сизге эч нерсе коркунуч туудурбайт, кысылып калуу мүмкүн эмес;
- Эң жакшысы, отуруп, аркаңызды дубалга таянсаңыз, эшикке эмес.
