Досмамбетов 2024-2025-жылдарда компаниянын ишинин натыйжалуулугу төмөн экенин, дары-дармектердин жеткирүүсү болгону 60 пайызды түзгөнүн белгиледи.
«Биз натыйжасыз менеджменттен жана коррупциялык схемалардан кутулуп, жетекчиликти толугу менен алмаштырдык. 2025-жылы келиши керек болгон дары-дармектерди заказ кылдык. Декабрь айынын аягында комиссия түзүлүп, шашылыш чаралар кабыл алынды. Биринчи партия ушул жума башында келип, каттоодон өтүүдө. Онкологиялык оорулар менен жаңы төрөлгөндөр үчүн дары-дармектер ооруканага бөлүнүп берилүүдө», — деп кошумчалады министр.
Ал ошондой эле жакынкы эки айдын ичинде бардык медициналык мекемелер керектүү препараттар менен камсыздаларын баса белгиледи.
Мурда министр «Кыргызфармациядагы» кризистик абал жөнүндө айтып, ички башкаруу маселелерин, мисалы, натыйжасыз жетекчилик, кызыкчылыктар кагылышы жана мурунку жетекчилердин фармацевтикалык компаниялар менен схемаларга катышуусун белгилеген.
