Жеке таксилердин токтоочу жайы автовокзалдын аймагына көчүрүлдү.
«Мурда жеке таксисттер жүргүнчүлөрдү РОВДнын имаратынын каршысында отургузчу. Азыркы учурда бул жерде токтоого тыюу салган жол белгилери орнотулган, ошондуктан көрсөтүлгөн жерде такси күтүүгө жана токтоого уруксат берилбейт.
Бул чечим Кара-Балта шаарындагы негизги көчөлөрдүн бириндеги жол кыймылын уюштуруу максатында кабыл алынды. Бул участок жогорку транспорттук жүктөмгө ээ, анткени жанында күйүүчү май куюучу станция, окуу жай жана РОВДнын имараты жайгашкан.
Таксинин токтоочу жайын автовокзалдын аймагына көчүрүү тыгындарды азайтууга, коопсуздукту жогорулатууга жана транспорттун кыймылын уюштурууга жардам берет», - деп айтылат билдирүүдө.
Шаардыктарды жана шаарга келген конокторду бул өзгөрүүлөрдү сапарларды пландаштырганда эске алууга чакырышат.
