Карап чыгуу жыйынтыгы боюнча тиешелүү мекемелердин жана кызматтардын жетекчилерине жакынкы күндөрдө базарды белгиленген талаптарга ылайык жаңы жайга көчүрүү тапшырылды.
Ош шаарынын мэри Женишбек Токторбаев: «Эми сиздерди көчүрөбүз, агайындар. Биздин базар даяр болгондо, Адилет Шаршеналиевич? [мэрдин биринчи орун басары Шаршеналы уулу Адилет]».
Биринчи орун басар мэр Адилет Шаршеналы уулу: «Жума ичинде даяр болот».
Женишбек Токторбаев: «Эгерде бир жума калса — балдар менен келип, билдирүүлөрдү бериңиздер. Бул жерде соода кылгандар жаңы базарда орундарын алдын ала алышсын. Эртең шумдук болбошу үчүн. Жыйын өткөрүп, орундарды бөлүштүрүп, ар бирине кайда соода кыларын көрсөтүңүздөр. Анан эч ким «менин ордум кайда» деп чыр салбасын. Көчүргөндөн кийин, Мирлан Казыбекович, ошол бурчтан баштайбыз — баарын бузуп, тазалайбыз. Бирок биринчи адамдарды көчүрүү керек, анан тазалайбыз. Бүгүн эле жыйын өткөрүңүздөр».
Сатуучу: «Качан көчүү болот?».
Женишбек Токторбаев: «15-февралда көчөсүздөр».
Сатуучу: «Алдымен орунду көрсөтөсүздөрбү?».
Женишбек Токторбаев: «Орун даяр, азыр айтып жатам».
Сатуучу: «Бул ижарабы же сатып алуу?».
Женишбек Токторбаев: «Ижара болот».
Галерея: Оштогу «Тешик-Таш» базары жаңы базарга көчүрүлөт
Адилет Шаршеналы уулу: «Бардыгы көчөт. Бул жерде эч ким калбайт. Бир да соодагер калбашы керек. Жүрүп, ар бирине базарда орундарды көрсөтүңүздөр».
Жооптуу кызматтарга ишкерлерге көчүрүү процессинде керектүү шарттарды камсыз кылуу, альтернативдүү соода жайларын сунуштоо жана калк арасында түшүндүрүү иштерин жүргүзүү тапшырылды.
