Текшерүүнүн жыйынтыгында, мэрия базарды бардык заманбап талаптарга жооп берген жаңы жайга көчүрүүнүн зарылдыгын билдирди. Тийиштүү мекемелердин жана ишканалардын жетекчилерине бул процессти жакынкы күндөрдө уюштуруу тапшырылды.
Шаар башчысы соода жайларынын тартипсиз жайгашуусунун жол кыймылына олуттуу көйгөйлөрдү жаратып, жарандардын коопсуздугуна коркунучтарды көбөйтүп, санитардык нормаларды бузуп жатканын белгиледи. Ал сооданы белгиленген эрежелерге ылайык тартипке келтирүүнүн маанилүүлүгүнө көңүл бурду.
Мэрдин айтымында, тиешелүү кызматтарга көчүрүү учурунда ишкерлер үчүн ыңгайлуу шарттарды түзүү боюнча так көрсөтмөлөр берилген, анын ичинде альтернативдүү соода жайларын сунуштоо жана калк менен түшүндүрүү иштерин жүргүзүү кирет.
