Натыйжада, Кызыл-Шак, Кен-Сай, Кыдырша, Курбан-Кара жана Кескен-Сай айылдарындагы 385 турак жай жашоого жараксыз болуп калды. "630 гектар айыл чарба жерлери азыр чөп менен капталган баткакка айланды. Муну менен катар, жергиликтүү тургундар жер салыктарын төлөөнү улантууда. Адамдар айыл чарба менен алектениши үчүн дренаждарды калыбына келтирип, жерлерди кургатуу зарыл. 500 миллион сомго өндүрүштү уюштуруу мүмкүн", - деди Толонов.
Ал министрлер кабинетин жаңы дренаждарды курууга же жарандар үчүн альтернативдүү жер участкаларын берүүгө чакырды, болбосо участкалардын ээлерин салык милдеттенмелеринен бошотуу керек.
