Ал Кыргызстанда жыл сайын 6 миң жаңы онкологиялык оорулардын учурлары аныкталып жатканын, ал эми 35 миң бейтап диспансердик байкоодо экенин билдирди.
«Рак өлүмдүн себептери арасында экинчи орунду ээлейт. 40% учурлар 3- жана 4-стадияларда аныкталат, бул кечиктирилген диагностика жөнүндө айтып жатат. Ооругандардын жарымынан көбү — 55% — эмгекке жарамдуу куракта, 35тен 64 жашка чейин», — деди ал.
Анын айтымында, эл аралык стандарттарга ылайык, 7 миллион адамга 20 линейдик тездеткич керек, бирок Кыргызстанда болгону 3 аппарат бар, алар тез-тез бузулуп жатат.
Мындан тышкары, парламентчи молекулярдык-генетикалык жана иммуногистохимиялык изилдөөлөр үчүн заманбап диагностикалык базанын жоктугун баса белгиледи. Бардык анализдер чет өлкөгө жиберилет, бул диагностиканын убагында жүргүзүлүшүнө терс таасирин тийгизет.
Гулнара Баатырова ошондой эле өлкөдө 80ден ашык жашоо үчүн зарыл болгон дары-дармектер жетишпей жатканын, ошондой эле паллиативдик жардам боюнча көйгөйлөр бар экенин, атап айтканда, наркотикалык анальгетиктердин жетишсиздигин кошумчалады.
