Ал Казакстандын Чек ара кызматынан жана РКнын Мамлекеттик кирешелер комитетинен текшерүүлөрдүн күчөтүлгөнүн белгилеп, бул жүк ташуучу унаалардын чек арада топтолушуна алып келерин айтты.
Голубев мындай текшерүүлөр мезгил-мезгили менен жүргүзүлүп турарын белгиледи.
««Кен-Булун» өткөрмө пунктунда бош жүк ташуучу унаалардын кезектери байкалууда, ал эми «Карасу» КППсында контролдонуп жаткан транспорттук каражаттардын көп саны топтолуп калды. Кезек цемент заводунун аймагынан чыгып кетүүдө», — деп түшүндүрдү ал.
Мындан тышкары, ассоциация мамлекеттик структуралар менен активдүү кызматташып жатат.
Голубев кыргыз-казак участкасындагы чек ара өткөрмө пункттарын модернизациялоонун зарылдыгына да көңүл бурду.
«Бул маселени биз Кыргызстандын 2030-жылга чейин логистикалык хаб катары өнүктүрүү программасына киргиздик. Бул программаны ишке ашыруу кезектерди кыскартууга жана жүк ташууларды эффективдүүлүгүн жогорулатууга жардам берет», — деп кошумчалады ал.
Мурда маалымдалгандай, Казакстан менен чек арасындагы контролдук өткөрмө пунктунда жүк ташуучулар үчүн кыймыл дээрлик толугу менен токтоп калды — айдоочулар чек араны үчүнчү күндөн бери өтө албай жатышат деп билдиришти.
Евразия экономикалык комиссиясы кыргыз-казак чек арасынын айрым участкаларындагы кырдаал тууралуу маалыматты да тастыктады, текшерүүлөрдүн пландуу жана даректүү иш-чаралар менен байланыштуу экенин, бул мыйзамсыз товар жүгүртүүгө каршы күрөшүү максатында жүргүзүлүп жатканын түшүндүрдү.
Казакстан тарап бул чаралар убактылуу экенин жана евразиялык интеграция режимине таасир этпей турганын белгиледи.
