Интернеттен алынган сүрөт. Кыргыз мамлекеттик авиация институтунун директору И. Абдраимов Улан Курманов
Курмановдун айтымында, авиациядагы жоопкерчилик деңгээли жана квалификациялык талаптар автомобиль тармагынан кыйла жогору. «Профессионал пилотту даярдоо үчүн убакыт талап кылынат — жок дегенде жети-он жыл», — деп түшүндүрдү ал.
Бул окуунун структурасына минимум эки жыл теория кирет, андан кийин эл аралык учуу лицензиясын алуу үчүн 8-12 айлык интенсивдүү практика учакта жүргүзүлөт.
Курсанттар окуу процессинде учакты башкаруу жөндөмдөрүн гана эмес, ошондой эле кыйын кырдаалдарда чечим кабыл алууну, диспетчерлер менен өз ара аракеттенүүнү жана эл аралык коопсуздук нормаларын сактоону үйрөнүшөт.
Курманов ошондой эле социалдык тармактарда пилот даярдоону бир айда жүргүзүү мүмкүнчүлүгү тууралуу тараган пикир жаңылыштык экенин белгиледи: «Бул билдирүү чындыкка дал келбейт жана коомдо кошумча чыңалуу жаратат. Пилоттор жана айдоочулар — бул таптакыр башка кесиптер, жана аларды салыштырууга болбойт. Алардын ортосундагы айырма — чоң», — деп баса белгиледи ал.
Ал ошондой эле айдоочуларды даярдоо да жогорку жоопкерчилик менен жүргүзүлүшү керек экенин кошумчалады, анткени бул жолдордогу коопсуздук менен түздөн-түз байланыштуу: «Айдоочунун даярдыгынын сапатына жолаочулардын жана башка жол кыймылынын катышуучуларынын өмүрү көз каранды».
