«Ал 2-февралда дүйнөдөн кайтты. Жолтоо церемониясы эртең 10:00дө Асылбаш айылында өтөт», - деп белгилешти администрациядан.
Темирлан Биримкулович 1945-жылы Асылбаш айылында төрөлгөн. 1978-жылы Кыргыз мамлекеттик университетинин чет тилдер факультетин аяктаган. 1968-1972-жылдары Ленин атындагы заводдо электросварщик болуп иштесе, 1972-1973-жылдары «Белогорка» совхозунда иштеген. 1978-1980-жылдары Киров орто мектебинде мугалим болуп иштеп, андан кийин 1982-жылга чейин №2 «Октябрь» мектебинде окуу-тарбия иштери боюнча директордун орун басары болуп кызмат кылган. 1982-1990-жылдары Биримкулов Белогорск санатордук мектебинин директору болуп иштеген. 1990-1991-жылдары Сокулук райондук партия комитетинде инструктор, Ново-Троицк шаарындагы «Агрокурулушкомплект» базасынын директору болуп иштеген. 1991-1998-жылдары Сокулук райондук мамлекеттик администрациясынын биринчи орун басары, 1998-2005-жылдары Сокулук районунун акими болуп кызмат кылган. 2008-2009-жылдары Аламедин районунун акими да болгон.
Темирлан Биримкулов «Данк» медалы менен сыйланган жана бир нече ардак грамоталар жана эмблемалар алган.
