Жогорку Кенештин финансылык, бюджеттик, ишкердик жана атаандаштыкты өнүктүрүү боюнча комитетинин жыйынында депутат Жаныбек Абиров коомдук тамактануу жайларындагы баалардын өсүшүнө көңүл бурду.
Ал мындай жайларда кызмат көрсөтүү үчүн төлөм мурда 10%-15% түзгөнүн, анын 7%-8% официанттарга, калган бөлүгү болсо жайдын ээлерине берилгенин белгиледи.
«Менде бар маалыматка ылайык, азыр ресторандар жана кафе ээлери бааларды 20%-22% көтөрүүгө макулдашышкан. Бул мүмкүн болгон өзгөрүүлөр үчүн финансылык резерв болушу үчүн жасалган. Сиздер баалардын өсүшү байкалбайт деп айтып жатасыздар, бирок өзгөрүүлөр абдан сезилет. Ташып алуу үчүн заказ бергенде баа кыйла жогору. Сиздер мындай учурларды кантип аныктоону пландап жатасыздар?» - деп сурады ал.
Жооп катары экономика жана соода министринин орун басары Биназир Нурланова коомдук тамактануу жайлары ташып алуу үчүн бааларды 10% төмөндөтүүнү пландап жатканын билдирди.
Депутат ошондой эле министрлик бардык кафе-барларды өлкө боюнча кантип көзөмөлдөй турганын кызыкты.
Орун басар министр кафе жана ресторандар ар кандай сегменттерге бөлүнөрүн, жана тандоо ар дайым кардарга таандык экенин белгиледи.
