Жогорку Кенештин финансылык, бюджеттик жана ишкердикти өнүктүрүү боюнча комитетинин жакында өткөн жыйынында депутат Камила Талиева армиялык кызматка байланыштуу көйгөйгө көңүл бурду. Ал Коргоо министрлигинин өкүлдөрүнөн, армиянын негизги бөлүгүн титулдук улуттун өкүлдөрү түзүп жатканын эмне үчүн экенин сурады.
Талиева Кыргызстанда болжол менен 80ден ашык этникалык топ жашаганын белгиледи.
«Ар бир Кыргызстан жараны армияда кызмат өтөөгө мүмкүнчүлүк алышы керек. Башка улуттун өкүлдөрү эмне үчүн кызматка барбай жатканы тууралуу маалыматтарыңыз барбы?», - деди ал.
Бул суроого Коргоо министринин биринчи орун басары Таалайбек Шаршеев, аскердик кызматка кабыл алуу үчүн белгилүү талаптар бар экенин түшүндүрдү.
«Мисалы, Улуттук гвардия үчүн минималдуу бой 180 см болушу керек, ал эми үй-бүлө толук болушу зарыл. Ошондой эле 9-класстан кийин кызматка кабыл алуу боюнча эрежелер бар. Кээ бир этникалык топтун өкүлдөрү 6-классты да бүтүрбөйт, бул алардын аскердик уставды түшүнүүсүнө кыйынчылык жаратууда», - деп кошумчалады ал.
Акырында депутат Талиева башка улуттардан келген аскер кызматкерлеринин саны тууралуу жазуу жүзүндөгү маалыматтарды берүүнү өтүндү.
