Чүй облусунда азык-түлүк ярмаркасы өттү, бул тууралуу Кыргызстандын Суу ресурстары, айыл чарба жана кайра иштетүү өнөр жайы министрлиги маалымдады.
Министрликтин маалыматына ылайык, ярмаркада азык-түлүктөр базар баасынан кыйла төмөн баада сунушталды. Мисалы, эт 680 сомдон, картошка 37 сомдон, пияз 16 сомдон сатылды.
Мындай ярмаркалар өлкөнүн бардык аймактарында өткөрүлүп, ар бир районду камтыйт. Кээ бир айылдарда эт азыктарын жеткиликтүү баада сунуштаган социалдык соода жайлары түзүлүүдө. Ошондой эле, июнга чейин ярмаркаларды өткөрүү пландалууда.
«Азыркы учурда социалдык мааниси бар азык-түлүк запастары жетиштүү», - деп белгиленет билдирүүдө.
