Негизги көңүл курулуш нормаларына, анын ичинде газ камсыздоо системаларын долбоорлоо боюнча СН КР 42-01:2020га бурулду. Бул нормалар 2021-жылы КР өкмөтүнүн архитектура, курулуш жана турак-жай-коммуналдык чарба боюнча мамлекеттик агенттигинин буйругу менен бекитилген. Бул талаптарга ылайык, БСГны ашканаларда, лоджияларда, балкондордо, коридорлордо жана баскычтар менен холлдор сыяктуу жалпы пайдалануу жайларында орнотууга уруксат берилет.
Мурда БСГлар тек гана батирлерде орнотулуп, бул газ кызматтарынын ишин кыйындаткан жана агып кетүү учурларында эсепке алууну татаалдаштырган.
"Учурда борбордо 4,5 миң батир бар, алардын ээлери газдын көрсөткүчтөрүн өткөрбөй жатышат. Биздин контролерлер эки жылдан бери ал жакка кире албай жатышат. Мурда мындай батирлер дагы көп болчу. Ошондуктан биз жалпы пайдалануу жайларында эсептегичтерди орнотууну сунуштадык", – деди "Газпром Кыргызстан" ОсООнун экономика жана финансылар боюнча орун басары Арзымат Алдаяров. "2023-жылдан баштап биз автоматтык түрдө көрсөткүчтөрдү өткөрүп турган телеметрия функциясы бар "акылдуу" эсептегичтерди орнотууну баштайбыз".
Курулуш компанияларына көп батирлүү үйлөрдө ОсОО "Газпром Кыргызстан" тарабынан иштелип чыккан уникалдуу программалык камсыздоо негизинде телеметрия жана термокоррекция функциялары бар приборлорду, ошондой эле клапандарды орнотууну сунушталды. Эгер газ тек гана тамак даярдоого колдонулса, механикалык БСГларды телеметрия блоктору жана клапандарсыз орнотууга уруксат берилет. Эки жагдайда да орнотуу батирлерде жана жалпы пайдалануу жайларында мүмкүн. "Биздин негизги талап – эсептегичтердин унификациясы. Бардык эски БСГлар жаңы интеллектуалдык эсептегичтер менен телеметрия менен алмаштырылышы керек", – деп баса белгиледи ал.
Тегерек столдун жүрүшүндө катышуучулар көп батирлүү үйлөргө газ берүү, газ колдонуу приборлорун колдонуу, ошондой эле газ казандары жана башка жабдуулардын коопсуздугу боюнча техникалык нормаларды талкуулашты.
КР куруучулар союзунун төрагасы Чолпонбек Акматов курулуш компанияларынын атынан газ камсыздоо боюнча курулуш нормаларына так ылайык келүүгө даяр экенин билдирди. Тараптар курулуш жана газификация маселелери боюнча пикир алмашууну үзгүлтүксүз жүргүзүү боюнча макулдашышты.
