Ала-Бука жана Аксы райондорунда азык-түлүк жармаркалары өткөрүлдү, бул тууралуу Суу ресурстары, айыл чарба жана кайра иштетүү өнөр жайы министрлиги маалымдады.
Министрликтин маалыматына ылайык, жармаркаларды уюштуруучулар — райондук агрардык өнүктүрүү башкармалыктары — жергиликтүү тургундарга ар кандай азыктарды сунушташты: эт, жашылчалар, жемиштер, ун, өсүмдүк майы, кант жана башка негизги азык-түлүктөрдү жеткиликтүү баада.
Учурда республика толугу менен азык-түлүк коопсуздугун камсыз кылууда. Негизги азык-түлүк товарларынын запастары жетиштүү, өлкө аймагында азык-түлүк жетишсиздиги байкалбайт. Министрлик жана тиешелүү мамлекеттик органдар базарды байкоону улантууда, элге керектүү товарларды үзгүлтүксүз жеткирүүнү камсыз кылууда.
