29-январда Социалдык фонддун төрагасы Бактияр Алиев фонддун ишин модернизациялоого багытталган автоматташтырылган маалыматтык системаны сунуштады. Бул система кызмат көрсөтүүнүн сапатын жогорулатууга, маалыматтарды иштетүү убакытын кыскартууга жана коррупциялык тобокелдиктерди минималдаштырууга жардам берет.
Министрлер кабинетинин билдирүүсүндө айтылгандай, "бул автоматташтырылган система пенсияларды алуу процессин кыйла жеңилдетет, жарандарды кагаз документтерди чогултуудан куткарат. Эми система керектүү маалыматты автоматтык түрдө чогултат, бул арыздардын каралышын тездетет. Мындан тышкары, система жеке маалыматтарды жогорку деңгээлде коргоону камсыз кылат жана ар кандай кибер коркунучтарга туруштук бере алат".
