Кадастр кызматынын маалыматына ылайык, бул жер тилкесинин тарыхы абдан талаштуу. 2008-жылы ал айыл чарба жерлери катары эсептелген, андан кийин анын статусы социалдык болуп өзгөртүлүп, мектеп куруу мүмкүнчүлүгү киргизилген. 2010-жылы болжол менен 20 гектар жер жеке менчикке өткөрүлгөн, андан кийин жер тилкеси сатылышы мүмкүн болгон.
Токторбаев бул объект социалдык муктаждыктар үчүн башынан эле арналган жерге жайгашканын белгилеп, жер тилкесинин статусуна байланыштуу болгон бардык өзгөртүүлөрдү юридикалык экспертизадан өткөрүүнү талап кылды.
«Эгерде жер тилкеси мыйзам бузуулар менен катталган же жерди трансформациялоо эрежелери бузулса, биз тиешелүү чараларды көрөбүз. Тапшырмаларыбыз берилди», — деди мэр.
Учурда муниципалдык кызматтар текшерүү жүргүзүүдө, анын жыйынтыктары боюнча мэрия расмий маалымат берүүнү пландаштырууда.
Мындан мурда Бишкектин муниципалдык кызматтары Аламедин дарыясынын жээгинде жайгашкан «Кекеев» кафесин бузуу иштерин жүргүзгөнүн эске салуу керек.
