Акыркы убакта Кыргыз Республикасында чет элдик мамлекеттердин ардактуу консулдарына карата алдамчылык учурларынын өсүшү байкалууда.
Сырткы иштер министрлиги белгисиз жаман ниеттүүлөр С. Жумакадыр уулу Консулдук департаментинин директору болуп чыгышып, билдирүүлөрдү жөнөтүп же телефон чалып жатканын маалымдады. Алар өздөрүнүн иши менен байланыштуу ар кандай маселелерди чечүү үчүн "СИМ" координатору менен тез арада байланышууга чакырышат.
СИМ мындай кайрылуулар министрликке тиешеси жок жана алдамчылык экенин баса белгилейт.
Ошондуктан министрлик ардактуу консулдарга катуу сунуштайт:
* өзгөчө этият болууга;
* тааныш эмес адамдар менен байланыштан качууга;
* жеке, кызматтык же башка маалыматтарды жарыя кылбоого;
* шектүү шилтемелерге өтпөөгө жана расмий эмес каналдар аркылуу келген өтүнүчтөрдү аткарбоого.
СИМ министрлик менен өз ара аракеттенүү расмий каналдар аркылуу, мисалы, кызматтык кат алышуу жана дипломатиялык ноталар аркылуу болушу керектигин эскертет.
Министрлик баардык адамдарды этият болууга жана текшерилген расмий маалыматка гана таянышууга чакырат.
