Саламаттык сактоо тармагындагы негизги милдеттердин бири оор оорулардын эрте стадияларда аныкталышы болуп саналат.
Саламаттык сактоо министри Каныбек Досмамбетов жакында алдыңкы жеке лабораториялардын бирине барды. Визит учурунда ал иштин уюштурулушун, логистиканы, сапатты контролдоо системасын жана лабораториялык изилдөөлөрдүн процесстеринде санариптик технологияларды колдонууну изилдеди. Алынган тажрыйбанын негизинде министр Бишкекте жаңы мамлекеттик лабораториянын долбоорун иштеп чыгуу тапшырмасын берди, деп билдиришти Саламаттык сактоо министрлигинин басма сөз кызматы.
Долбоор бирдиктүү стандарттар, жогорку технологиялык жабдуулар жана заманбап санариптик инструменттер менен бирдиктүү системаны түзүүнү көздөгөн реформанын бир бөлүгү болот, ошондой эле логистиканы жакшыртууга багытталат.
Ошол эле учурда изилдөөлөрдүн сапатын контролдоого жана медициналык мекемелер менен кызматташууга өзгөчө көңүл бурулат.
Иш сапарынын максаты мамлекеттик лабораториялык системаны түзүү процессинде колдонулушу мүмкүн болгон алдыңкы практикаларды изилдөө болду. Диагностиканы тездетүү жана анын тактыгын жогорулатууга негизги басым жасалды.
Министрдин айтымында, саламаттык сактоо тармагында актуалдуу көйгөйлөрдүн бири коркунучтуу оорулардын кеч аныкталышы, анын ичинде жаман шишиктер болуп саналат.
Көптөгөн бейтаптар III–IV стадиялардагы оорулары менен медициналык жардамга кайрылышат, бул лабораториялык диагностикасынын жеткиликтүүлүгүнүн жана өнүгүүсүнүн жетишсиздиги менен байланыштуу.
«Бул убакытты жоготууга жана ийгиликтүү дарылоонун мүмкүнчүлүктөрүн азайтууга алып келет. Даттанууларды туура аныктоо — бул дарылоодо ийгиликтин жарымы. Оорулардын убагында аныкталышы үчүн өлкөгө күчтүү лабораториялык инфраструктура керек», — деп баса белгиледи Досмамбетов.
Жаңы лабораторияны нөлдөн түзүү пландалууда, заманбап диагностикалык жабдууларды, өз логистикалык системасын жана медициналык маалыматтарды иштеп чыгуу үчүн санариптик платформаны колдонуу менен.
Мындан тышкары, борбордук лаборатория менен бирдиктүү системада иштөөчү регионалдык бөлүмдөрдүн тармагы уюштурулат.
Бул жаңы модель анализдерди өткөрүү убактысын кыскартууга, натыйжалардын тактыгын жогорулатууга жана лабораториялар менен медициналык мекемелер ортосунда маалымат алмашууну жеңилдетүүгө мүмкүндүк берет, деп белгилешти министрликтен.
Сүрөт www
