АКШнын ар кайсы шаарларында улантылып жаткан митингдерге байланыштуу Кыргыз Республикасынын Тышкы иштер министрлиги америкалык аймакта жүргөн жарандарын жогорку этияттыкка чакырат.
МИДдин маалымат кызматы мүмкүн болгон жагымсыз кырдаалдардын алдын алуу үчүн жарандарга массалык жыйындардан, демонстрациялардан жана протесттерден качууну катуу сунуштады. Жарандар өздөрү менен ар дайым жеке күбөлүктү алып жүрүшү, миграциялык статусунун жана бардык зарыл документтердин мөөнөттөрүнүн актуалдуулугун текшерип турушу сунушталат.
Керектүү учурда Кыргыз Республикасынын дипломатиялык жана консулдук өкүлчүлүктөрүнө АКШнын аймагында дароо кайрылуу керек.
Тез байланыш үчүн байланыш маалыматтары:
Вашингтондогу КР элчилиги: +1 (202) 449-98-22, +1 (202) 256-2924
Чикагодогу КР башкы консулдугу: +1 (312) 994-24-16, +1 (312) 929-34-42
КР Тышкы иштер министрлигинин консулдук бөлүмү: +996 999 312 002
Электрондук почта: [email protected], [email protected]
