Курулуш, архитектура жана турак-жай-коммуналдык чарба министринин көрсөтмөсү боюнча, өлкө боюнча курулуш аянттарында рейддер өткөрүлүүдө.
Текшерүү учурунда, Жалал-Абад облустук башкармалыгынын инспекторлору тарабынан, жаран М.Казакбаев Ленина көчөсүндө, 74-үйдө офис имаратын зарыл уруксат документтерсиз куруп жаткандыгы аныкталды.
Текшерүүнүн жыйынтыгы боюнча мыйзамсыз курулушту толук бузуу зарылдыгы тууралуу акт түзүлүп, куруучуга жазуу түрүндөгү эскертүү берилди. Анын аткарылышы үчүн 20 күн мөөнөт белгиленди.
