Бул маалымат райондук прокуратура тарабынан айтылды.
Ведомствонун маалыматына ылайык, жыйын райондук мамлекеттик администрациянын имаратында өтүп, прокуратура тарабынан уюштурулган.
«Райондо үй-бүлөлүк зомбулукту жана балдарга зомбулукту алдын алуу боюнча активдүү чаралар көрүлүүдө. Жыйындын катышуучулары ошондой эле укук бузууларды алдын алуу, жабыркагандарды коргоо жана кыйын кырдаалдагы балдар менен үй-бүлөлөргө жардам берүү маселелерин карашты», — деп белгилешти прокуратурада.
Жыйындын жыйынтыгы боюнча прокуратура кризис борборун жана укук бузууларды алдын алуу борборлорун ачуу зарылдыгын, ошондой эле алардын каржылануусун камсыз кылуу боюнча чакырык жасады.
Мындан тышкары, үй-бүлөлүк зомбулук кылгандарды жүрүм-турумун өзгөртүүгө багытталган коррекциялык программаларды ишке ашыруу, социалдык жактан начар райондордо жана билим берүү мекемелеринин айланасында видеокөзөмөлдү орнотуу, ошондой эле укук коргоо органдары менен биргелешип рейддер өткөрүү пландары талкууланды.
Бардык компетенттүү мамлекеттик органдарга профилактикалык иштерди күчөтүү жана кабыл алынган чечимдердин убагында аткарылышын камсыз кылуу боюнча тапшырмалар берилди», — деп кошумчалашты прокуратурада.
Район башчысы Ниязбек Козуев өз сөзүндө кризис борборун ачуу боюнча чаралар көрүлүп жатканын баса белгиледи.
