Гимн аткарууга жеңил болушу керек, депутаттар белгилешти
Жогорку Кенештин жакында өткөн жыйынында спикер Нурланбек Тургунбек уулу Кыргызстандын жаңы гимни кандай болушу керектиги тууралуу өз оюн билдирди. Парламенттин бир комитетинин жыйынында гимндин текстине жана музыкасына байланыштуу бир нече жаңы варианттар каралды, бирок алардын эч бири кабыл алынган жок.
Тургунбек уулу депутаттардын негизги максаты — гимнди жөн гана алмаштыруудан эмес, өлкөнүн ар бир жараны аткара ала турган гимн түзүүдөн турганын баса белгиледи.
«Биз гимнди жөн гана өзгөртүүгө эмес, балдардан баштап кары адамдарга чейин аткарууга мүмкүнчүлүк берген гимн түзүүгө аракет кылып жатабыз. Кийинки конкурста авторлорго кайрылам: сунушталган тексттердин көбү марш сыяктуу угулат. Бирок марш — жалпы аткарууга ылайыктуу жанр эмес. Биз «Мекеним Мейкин» же «Кыргыз жери» сыяктуу жеңил жана мелодиялуу чыгармаларды түзүшүбүз керек. Анда биздин гимн расмий иш-чараларда гана эмес, майрамдарда да аткарылат», — деди спикер.
Мамлекеттик гимнды өзгөртүү боюнча демилге Нурланбек Тургунбек уулу тарабынан көтөрүлгөнүн эске салуу керек. Муну менен катар жаңы текст жана музыка түзүү боюнча конкурс жарыяланган. Бул багытта иштер улантылууда, жана конкурс бардык сунуштарды эске алуу менен кайра өткөрүлөт.
Сүрөт www
