Долбоор реабилитациялык борбордо учурда болуп жаткан, протездерди жана ортопеддик буюмдарды алып жаткан, ошондой эле дарылануу жана адаптациядан өтүп жаткан мүмкүнчүлүгү чектелген адамдарды окутууга багытталган.
"YouTube-мектептин" негизги максаты - заманбап онлайн платформаларды колдонуу менен катышуучулардын санариптик көндүмдөрүн жана медиа сабаттуулугун өнүктүрүү. Окутуунун жүрүшүндө алар YouTube менен иштөө эрежелерин: контент түзүү, видео тартуу жана монтаждоо, ошондой эле каналдарды түзүү жана жүргүзүү боюнча билим алышат. Катышуучулар ошондой эле социалдык тармактарда илгерилетүүнүн ыкмаларын жана жеке брендди өнүктүрүүнү үйрөнүшөт, бул алардын коммуникациялык көндүмдөрүн жакшыртууга жардам берет.
Биринчи агымда 16 адам окутууга катышууда. Курсту аяктаган соң, алардын ар бирине сертификаттар тапшырылат. Долбоордун алкагында мүмкүнчүлүгү чектелген 80 адамды окутуу пландалууда.
