Энергетика министрлигинин басма сөз кызматынын маалыматы боюнча, биринчи объект Куршаб айыл аймагында курулган жана анын баасы 7 миллион 325 миң сомду түзгөн.
«Кийинки объект — 110/35/10 киловатттык «Кара-Шоро» подстанциясы, анын курулушуна 13 миллион 462 миң сом сарпталган. Подстанция заманбап электр жабдуулары менен жабдылган. Үчүнчү объект «Салам-Алик» участкасында жайгашкан жана кызматкерлердин иш шарттарын жакшыртуу үчүн курулган. Соңку беш жылда энергетика секторунда маанилүү жаңылануулар болгондугуна карабастан, бул дагы эле жетишсиз. Бул инфраструктуралык объекттер энергетиктер үчүн гана эмес, эң биринчи кезекте калк үчүн, анткени алар ишенимдүү электр энергиясын камсыз кылат», — деп айтылат билдирүүдө.
