Мэрия Карыбек уулу 2024-2025-жылдарга Свердлов районундагы иш-чаралардын пландары, анын ичинде долбоордук-сметалык документация, капиталдык курулуш, ошондой эле каржылоо жана ишке ашыруу мөөнөттөрү тууралуу маалымат сураганын тактады. Бардык суралган материалдар толук көлөмдө берилген.
Мэриянын комментарийинде депутат «Ак-Бата» конушунда 620 орундуу мектепте канча бала окуп жатканын көтөрбөгөнү айтылат. Бул мектепте 48 класстын ичинде 1 735 окуучу билим алууда, алардын 260ы эски имаратта окуйт. Окуу процесси эки сменада уюштурулган.
Мындан тышкары, мэрия «Ак-Жар» конушу жерлерди басып алуу натыйжасында пайда болгонун жана учурда бул аймакта жаңы мектептерди куруу үчүн бош жерлер жок экенин белгиледи. Бийлик кырдаалды жакшыртуу үчүн ар кандай чечимдерди иштеп чыгууда.
«Бул маселе 23-январда мэр Айбек Джунушалиевдин «Ак-Бата» тургундары менен болгон жолугушуусунда да талкууланды, алар Аламедин районунун жээгинде мектеп куруу мүмкүнчүлүгүн карап чыгууну сунушташты. Бирок, учурдагы мыйзамдарга ылайык, мэрия Бишкектин чегинен тышкары объектилерди курууга укугу жок», — деп кошумчалашты мэриядан.
