Ысык-Көл облусунда энергетиктер үчүн жаңы атайын техниканы өткөрүп берүү иш-чарасы өттү. Бул тууралуу Энергетика министрлиги билдирди.
Маалыматка караганда, 37 бирдик техниканын ачкычы өкмөт башчысы жана Кыргыз Республикасынын президентинин администрациясынын жетекчиси Адылбек Касымалиев тарабынан Энергетика министрлигине өткөрүлдү. Бул саннан 4 бирдик Ысык-Көл ПЭСине арналган.
Жаңы техника ар кандай бөлүмдөр арасында бөлүштүрүлдү, атап айтканда:
- JAC маркасындагы унаалар — Тон райондук электр тармактарында жана Түп РЭСинин «Каркыра» участогунда иштейт;
- JAC N56 унаасы — курулуш-монтаждоо иштерине өткөрүлдү;
- SHANMON экскаватору — темир-бетон буюмдарын өндүрүүчү цехке бекитилди.
