Алынган автотранспорт өлкөнүн энергетикалык тармактарын модернизациялоо жана тейлөө үчүн колдонулат.
37 бирдик атайын техника министрликке энергетика министри Адылбек Касымалиев тарабынан тапшырылды.
«Кыргызстан улуттук электр тармагы» акционердик коомунун техникалык базасын жаңылоо программасынын алкагында 17 JAC–T8 бригадалык автоунаасы, 10 JAC–N56 бригадалык автоунаасы, 8 SHANMON–388H экскаватор-погрузчик жана 45 метр бийиктиктеги 2 КАМАЗ шасси боюнча автоподъемник сатып алынды. Сатып алынган техниканын жалпы баасы 145,8 миллион сомду түздү.
Адылбек Касымалиев белгилегендей, автопарктын жаңыланышы энергетика тармагын модернизациялоонун комплекстүү ишинин маанилүү бөлүгү болуп саналат. Жаңы техника өлкөнүн бардык аймагында энергетикалык объектилерди куруу, оңдоо жана тейлөөдө колдонулат.
2025-жылы энергетика жана көмүр тармактары үчүн 160тан ашык атайын автотранспорт сатып алынганын белгилеп өтүү керек.
Сүрөт www
