Ысык-Көлдө браконьерликке каршы рейд өткөрүлдү. Табигый ресурстар, экология жана техникалык көзөмөл министрлигинин алдындагы Ысык-Көл облустук экологиялык жана техникалык көзөмөл башкармалыгынын инспекторлору мыйзамсыз балык уулоочу торлорду тартып алып, жок кылууга өткөрүп беришкенин ведомствонун басма сөз кызматы билдирет.
Экологиялык милиция менен биргеликте туристтер үчүн инспекторлор мыйзамсыз балык уулоонун алдын алуу жана суу жаратылышын тазалоо боюнча профилактикалык иш-чараларды жана көзөмөлдү уюштурушту.
Текшерүү учурунда Орукту жана Жаркынбаев айылдарынын ортосунда жаңы жашыруун тор табылып, тартып алынды. Ошондой эле, январь айынан бери жыйналган торлор белгиленген талаптарга ылайык жок кылуу үчүн Өзгөчө кырдаалдар министрлигинин аймактык бөлүмүнө өткөрүлдү.
