Маданият министрлигинин маалымат кызматынын маалыматына ылайык, жыйында министрдин орун басарлары, Физикалык тарбия жана спорт боюнча мамлекеттик агенттиктин директору Казыбек Молдажиев, Дүйнөлүк кочмондор оюндарынын Эл аралык катчылыгынын жетекчиси Нурсултан Аденов, ошондой эле Кыргызстандын эл артисти жана башкы режиссёр Алтынбек Максутов, мамлекеттик органдардын жана профилдик ведомстволордун башка өкүлдөрү катышты.
Талкуу учурунда катышуучулар иш-чараларды өткөрүүчү жерлер, оюндардын форматы жана жүрүшү тууралуу маалымат менен таанышып, даярдыкты уюштуруу аспектилерин талкуулашты.
Жыйынды өткөрүүнүн натыйжасында Дүйнөлүк кочмондор оюндарына сапаттуу жана убагында даярдык көрүүнү камсыз кылууга багытталган жооптуу мамлекеттик органдарга тапшырмалар берилди.
