Всемирдик көчмөндөр оюндарына өткөрүүгө бюджеттен 336 миллион сом бөлүнөт
Бишкекте өткөн пресс-конференцияда Мамлекеттик физикалык тарбия жана спорт агенттигинин директору Казыбек Молдажиев VI Дүйнөлүк кочмондор оюндарынын уюштурулушуна мамлекеттик бюджеттен 336 миллион сом бөлүнөрүн билдирди.
Темага байланыштуу окуңуз
Кыргызстанда VI Дүйнөлүк кочмондор оюндарынын спорттук программасы сунушталды
Молдажиевдин айтымында, бул каражаттар оюндарга келген спортчулардын жашоосун камсыздоого жана негизги уюштуруу чыгымдарын жабууга жумшалат.
Мындан тышкары, 49,8 миллион сомдук сыйлык фонду каралган.
Дүйнөлүк кочмондор оюндарынын эл аралык секретариятынын жетекчиси Нурсултан Аденов бул масштабдуу иш-чарага даярдык көрүү үчүн демөөрчүлөрдү активдүү издеп жатышканын кошумчалады. Алардын кээ бири финансылык жардам берүүгө даяр болсо, кээ бири өз товарларын сунуштоодо.
Жыйналган демөөрчүлүк каражаттары катышуучулар үчүн комплекттерди түзүүгө жана Кыргызстан менен Дүйнөлүк кочмондор оюндары тууралуу жарнама роликтерин өндүрүүгө жумшалат. Алардын эл аралык платформаларда көрсөтүлүшү мелдештердин башталышына үч ай калганда пландалууда.
«Эл аралык практикада welcome-пакеттер деген концепция бар. Биз үч миңден ашык катышуучуга ар бирине Кыргызстан, кочмо маданият жана эскерүү сувенирлери тууралуу маалымат киргизилген комплекттерди даярдоону пландап жатабыз», — деди Нурсултан Аденов.
Окшош материалдар:
