Кыргызстанда, 27-январга карата, бардык эл аралык жана жергиликтүү маанидеги жолдор, анын ичинде ашуулар, ачык жана чектөөлөр байкалбайт.
Транспорт жана байланыш министрлигинин маалыматына ылайык, Бишкек-Ош трассасындагы Тоо-Ашуу жана Ала-Бел ашууларында, ошондой эле Тараз-Талас-Суусамыр жолундагы Отмок ашуусунда кичине кар жаап жатат.
Ошондой эле, Ош-Сары-Таш-Эркечтам автожолундагы Тон-Мурун ашуусунда, Бишкек-Нарын-Торугарт трассасындагы Долон жана Туз-Бел ашууларында, Тюп-Кеген жолунда да эч кандай чектөөлөр жок.
Транспорт жана байланыш министрлиги өзүнүн карамагындагы жол ишканалары түнү-бүткүл иштеп, жолдорду кардан тазалап, тайгакка каршы материалдарды салып жатканын билдирет.
Ошондуктан министрлик айдоочуларды жол кыймылынын эрежелерин сактоого чакырат.
