Улуу Ата Мекендик согуштун баатырларына арналган эстеликтин жанына шаардык администрациянын өкүлдөрү, Чүй облустук китепканасынын кызматкерлери, жергиликтүү мектептердин окуучулары жана орус авиация базасынын аскер кызматкерлери чогулушту.
Иш-чаранын катышуучулары фронттон кайтып келбегендердин эскерүүсүнө шамдарды жактырышты жана аларды бир мүнөт үнсүздук менен эскеришти. Эскерүү үчүн блокада шартында жазылган жана эрдик менен чыдамдуулуктун символу болгон Дмитрий Шостаковичтин 7-симфониясы угулду.
82 жыл мурун Ленинград толук бошотулду, ал блокада 872 күнгө созулуп, ачарчылык, суук жана көптөгөн жоготуулар менен коштолгон.
Акциянын катышуучулары блокада тууралуу эскерүү — бул календардагы жөн гана дата эмес, жеңиштин баасы жана бул окуяларды келечек муундар үчүн коомдук эс тутумда сактоо зарылдыгы тууралуу маанилүү эскертүү экенин белгилешти.
Бүгүнкү күндө Кыргызстанда блокаданы башынан өткөргөн 11 адам гана калды, алардын тогузу Бишкекте жашайт.
