Учурда бул мекеме президенттин иш башкармалыгынын башкаруусундагы мамлекеттик ишкана катары иштеп жатат.
Текшерүү 2026-жылдын 23-январында социалдык тармактарда маалымат жарыяланган соң башталган.
Текшерүү учурунда биринчи кабаттагы кирүү зонасында капиталдык ремонт иштери жүргүзүлүп жатканы аныкталды. Массалык маалымат каражаттары билдирген эски технологиялык жабдуулар демонтаждалган жана анын ордуна жаңы жабдуулар орнотулуп, ал иштей баштады.
Бирок текшерүү учурунда мыйзам бузуулар аныкталды: инвентаризациялык складда, коридорлордо жана айрым өндүрүш цехтеринде штукатурканын түшүп жатканы, жогорку нымдуулук, ошондой эле жетишсиз желдетүү натыйжасында потолоктордо көгөрүү пайда болгон.
Санэпидемнадзордун маалыматы боюнча, бул факторлор ашкананын жайларын капиталдык ремонттоонун зарылдыгын көрсөтөт. Ошондой эле ашканада жана тамак даярдоого арналган жайларда таракандардын болушу боюнча маселе катталды. Бул боюнча тазалоо жана толук дезинфекция жүргүзүү боюнча сунуштар берилди.
Текшерүүнүн жыйынтыгы боюнча, аныкталган мыйзам бузуулар негизинде «Аврора» эс алуу үйүнө санитардык нормалар жана коомдук саламаттыкты коргоо боюнча талаптарды бузгандыгы үчүн 214-берененин 1-бөлүмүнө ылайык айып пул салынды.
